.
و فجاة جائني اتصال من ابي يقول لي : اني شريت طوموبيل جديدة روح جيبها دبر راسك
.
فاجبته مستهترا : ماشني فارغ شغل .. جيبها علا روحك ..
.
قالي : وليت ترجع الهدرة .. كون ماتروحش تجيبها نكرسرلك راسك .. و تمتم ببعض الكلمات غير المفهومة ..
في هده اللحظة حكمتني الخلعة .. ببساطة لان الشيباني كي يتقلق مني مايوليش يشوف قدامو ههههههههههههههههههههههههههههه مالا قلتلو متهني الشيخ دوك نروح نجيبها .. اعطيني لادراس برك و انا ندبر راسي ..
فكانت المفاجأة انه ارسلني الى ولاية بشار التي تبعد عنا حوالي 1500 كلم هههههههههههههههههههه و المصروف ؟ 100 الف فالجيب هههههههههههههههههههههههههههههه و الحل ؟ السطوب صديقي هههههههههههههه مالا تقريب ساعة من الزمان و انا نسطوبي حتا حبستلي وحدا و العياذ بالله ههههههههههههههههه لا داعي لوصفها اي باينة تشبه لعمي بوعلام
.
قالتلي واين رايح ؟ فاجبتها بنفس السؤال ..
قالتلي انا رايحا لسطيف .. نوصلك معايا .. و بدون تفكير قلتلها وي خههههههههههههههههه .. و بينما نحن نسير في الطريق .. حبيت نديها بالهدرة .. بصح حيرتني .. الموضوع لي نحكيلها فيه نلقاها .. تبا لها حسيت روحي نحكي مع سوقراط هههههههههههههههههه هي تسقسي و انا نجاوب ب نعم و لا .. حتا وصلنا لقسنطينة .. حبسنا توال ريسطورو .. قالتلي نروح نجيب كسكروط و نجي استناني هنا .. و خلات المفتاح فالطوموبيل و راحت .. ههههههههههههههههههههه و فجأة نضرت الى المقعد الخلفي .. و اذ بابليس يجلس هناك .. غمزني و قالي واش ماكش فاهم روحك ؟ .. قالتلو احشم علينا الطفلة دايرا فينا كونفيونص و نتا تقولي افهم روحك .. المهم بعد نقاش طويل غلبني ههههههههههههههههههههههههه انا رحت نسوق و هو قعد قدامي .. و انطلاقة علا انغام الشاب العجال و الحبيب هيمون .. حتا وصلنا لولاية سطيف .. و فجأة تذكرت بلي صديقي التمساح يسكن لتما .. مالا قررت نعدي عليه و يروح معانا لبشار و يقصر معانا شوي فالطريق .. مالا عيطتلو لقيتو مديقوتي كتر مني هههههههههههههههههههه قالي عليك نحوس .. وصلنا عندو ركب معانا و درنا شانجمو .. ابليس يسوق و انا ملقدام و التمساح ملاورا ...............
.
.
يتبع ...
.